என் பிரிய மழை...

குடைரிப்பேர், கூவிக்கொண்டே வரும் பளுப்புவேட்டி தாத்தா
மழை முடிந்ததும் முற்றதில் திரியும் ரயில் பூச்சிகள்
ஆற்றங்கரை பெருகி ஓடுவதற்காய் அதிசயிக்கும் அத்தைகள்
மழையால் குளித்து பளிச்சென்றிருக்கும் கோயில் சுவர்கள்
சலப் சலப் என்று சேரு மிதித்து நடக்கும் சிறுசுகள்
எங்கோ ஒரு சின்ன கரத்தால் விடப்பட்ட காகித கப்பல்கள்
வானொலியில் விடாமல் ஒலிக்கும் மழைப் பாடல்கல்
மழை நீருக்காய் அம்மா வைக்கும் இரும்பு வாளி
இவை எதுவுமே இல்லாத மற்றுமொரு மழைக் காலம்
மறுபடியும் பெய்யுமா அந்த என் பிரிய மழை.......!