எப்படி சிவந்தது

அம்மியிலே இலை பரப்பி
பாக்கு வைத்து நீ அரைக்கும் போது
உன் விரல் நுனியின் சிவப்பினிலே
என் இமைகதவு சிறகடிக்கும்
குப்பி குப்பயாய் விரல் மறைத்து
வைத்து விடுவாய் மருதாணியை
உள்ளங்கையில் நட்சத்திரம் கேட்பேன் நான்
நிலா தான் அழகென்று வைப்பாய் நீ
ரெண்டு கையிலும் வைத்ததும் தான்
தாகம் எடுக்கும், மூக்கு அரிக்கும்
என் கை சிவப்பதற்கு முன்
உன் கண் சிவந்து போகும்
காலையில் அப்பாவிடம் கேட்போம்
யார் கை அழகாய் இருக்கிறதென்று
என் கை தான் என்று அப்பா சொல்வார்
இப்படி சிவக்க எதை கலந்தாய் மருதாணியில்,
துளி பாக்கும், மஞ்சளும் நிறைய பாசமும் இருக்கலாம்.